Mujhay ab pata chala kay main kis qadar.............!

Mujhay ab pata chala kay main kis qadar tanha hoon MOHSIN,

Peechay jo mur kay dekhon to saaya bhi mounh pher leta hai...

Apnay honay ka pata day dena...........!

Apnay honay ka pata day dena,

Kabhi guzro to sada day dena,

Yaad a jaoon ibadat mein agar,

To haath utha kar mujhe bhi dua de dena...

* Zameer * @ 93

Suno...! Kaisay kahen tum ko tumharay bin adhoray Hen @

Suno...!

Kaisay kahen tum ko tumharay bin adhoray hen,

Na koi pyas hai baqi,

Na koi dard uthta hai,

Haan...!

Magr ehsaas baqi hai kay,

Tumharay bin adhoray hen,

Kaash aisa lafz hota ke,

Jo zubaan say hun ada kartay,

Dukh say kaanp uthti rooh,

Tarap kay tum bhi yehi kehtay,

Suno...!

Tumharay bin adhooray hen...

 

* Salman * @ 74

Ab Jo Bikhre To Bikhrne Ki Shikayat Kesi.........

Ab Jo Bikhre To Bikhrne Ki Shikayat Kesi
Khushk Paton Ki Hawaon Se Rafqat Kesi
Main Ne Is Daur K Insan Se Muhabt Ki Hai
Jurm Sangen Hai Phr Is Mein Riaayat Kesi
Rukh Kisi Aor Tarf Roo-e- Sukhan Meri Tarf
Talook Mein Mere Dost Ye Siyasat Kesi
Ek Pata Bhi Agr Shaakh Se Hota Hai Juda
Kiya Kahain Dil Pe Guzarti Hai Qayamat Kesi
Zindgi Tujh Ko To Lamhon Ka Safar Kehte Hain
Rah Mein AA Gai Sadiyon Ki Musfat Kesi.........

* Nabeel Raza *

Udas hogaya safar..... Khili hoi kali bhi ro pari lab-e-hisar-e-gham

Udas hogaya safar
Khili hoi kali bhi ro pari lab-e-hisar-e-gham
Fishar-e-gham bata gaya
Khayal kham zindagi
Ye subha subha mout si
Ye sham sham zindagi
Ye bam bam zindagi
Khud aagahi ka shouq bhi hai
Dhiyaan main racha hua
Tou bayhisii ka ranj bhi
Naseeb main basa hua
Ye baybasi ye baybasi
Ye ashq ashq maykashi
Thathak thathak gaya sama
Khamoshiyan khamoshiyan
Kisi k rukh per ak pall bhi tiktiki
Na jam saki
Baras gai jo chashm-e-dill
Tou dill say bhi na tham saki
Shab-e-panah aaah main na jaany kab
Badal gai
Subuk subuk sadaye dill
Chanan chanan radaye dill
Hawa hawa khayal sab
Juda juda malal sab
Khuda khuda sawal sab
Kabhi tou shah zindagi kabhi ghulam zindagi
Ye subha subha mout si
Ye shaam shaam zindagi
Ye shaam shaam zindagi...........!!

Kahan Itni Sazaein Thin Bhala Es Zindgani Mein.......!

Kahan Itni Sazaein Thin Bhala Es Zindgani Mein
Hazaron Ghar Huye Roshan Jab Mera Dil Jala MOHSIN,

Faqat Ek Lafz "MOHABBAT" Ki Hum Ne Bheek Mangi Thi
Taras Gaye Khushi Ko Hum Mili Hai Ye Saza MOHSIN,

Sukoon-E-Zindgi Chhora Ek Teri Zaat Ki Khatir
Magar Phir Bhi Meri Chahat Se Tum Ko Hai Gila MOHSIN,

Toota Hua Ye Dil Le Kar Main Kis K Paas Jaon Ga
Hai Kaon Wo ? Kary Ga Jo Mere Dil Ki Dawa MOHSIN,

Teri Ankhain " Teri Sansain " Tera Chehra " Teri Dharkan
Main Kese Bhool Paon Ga Teri Har Ek Adaa MOHSIN.

Kisi Ko Kya Khabar Mujh Par Har Pal Kya Guzarti Hai,
Meri Sari Kahani Ka Hai Tu He Aashna MOHSIN,

Nahi Qabil Tere Lekin " Munasib Jo Agar Samjho
Yaad Rakhna Duaon Mein Yahi Hai Iltija MOHSIN !!!

*Yasir*

ye mussafateiN , raah-e-ishq meiN............!

ye mussafateiN , raah-e-ishq meiN
kon shahr-e-jaaN ki nazar karey
kissey shouq tanhaa safar karey
karey shahr-e-furqat ki arzoo
kon dasht-e-hijraaN ko ghar karey

in raastoN par chalaa kabhii
merey saath ban k wuh hum-safar
jissey samjhaa shareek-e-reh-guzar
sar-e-raah wuh kisi moR par
badley gaa manzil , thii kyaa khabar

mujhey faasiloN ki fikr nahi
merey ru-ba-ru merey khaab heiN
wuh jo manzileiN heiN dhuwaaN dhuwaaN
ye jo be-nishaaN sey heiN raastey
merey waastey ye azaab heiN

ab uss k aur merey darmiyaaN
haail anaa k mizaaj heiN

ussey phir sey milney ki chaah meiN
ab aur chalna muhaal hai
kisey tera itnaa khayaal hai?
kahaaN kon tera hey muntizar?
merey dil ka mujhsey sawaal hai…

meri chaahtoN ka ye haal hai
jo merey junooN ka arooj thaa
wuhi hosloN ka zawaal hai
jo merey liye tha khushi kabhii
wuh ab.. baais-e-malaal hai

meri be-bassi bhi kamaal hai
nahi uss sey milney ki justujoo
na hi waapsii ka khayaal hai…!!